希望今日又可以見第二次

網誌分類：與親愛的 |

網誌日期：2009-10-01 17:51

希望今日又可以見第二次！

尋日同親愛的返早０７００，因為早起身所以無過黎搵我，收工之後就打電話比我同我講：聽日我返中呀，返工前過黎搵你食野！你今晚早ｄ瞓啦！

我：好呀！

（太爽啦，冇瞓３０幾個鐘之後，一瞓就瞓左１４個鐘，尋日瞓到６點起身，跟住１點幾再瞓過，一瞓就瞓到今日下午３點幾起身！）

今日親愛的返工之前就過黎搵我食野，係樓下銀龍食２６蚊個常餐，沙嗲牛肉米＋火腿奄列＋蒜茸包＋紅豆冰（親愛的就飲凍奶茶）。

食飽就陪親愛的行去攞車，ｋｉｓｓ我一啖我就自己行返屋企，今日係國慶希望親愛的唔好咁忙，因為佢話：如果今日早收工就會過黎搵我！