母親節快樂!

真係唔好意思嘞!最近因為傻b過"痴"身得濟,所以都冇咩時間寫blog!

今日母親節,我約咗爸媽喺旺角飲茶!因為瞓得晏咗少少,所以出到旺角都差唔多一點!我仲諗住要等好耐先有位,但係又唔係喎!可能太晏啦,所以都只係等咗一陣就有位lu!

不過婆婆同公公就未到,但係我太肚餓嘞,所以我叫住啲點心先!

傻b:媽咪,婆婆仲未到o既?

等咗一陣,公公婆婆終於到嘞!傻b見到佢哋不知幾開心呀!本來想瞓覺到唔瞓嘞,要同公公婆婆玩!

同婆婆影返張相先啦!(婆婆都係第一次亮相o架!)

飲完茶我哋行咗陣旺角,就各自返屋企lu!

傻b:婆婆,媽咪,母親節快樂!