嘉賓題名

唔知大家有冇留意我地從前飲宴時，簽名枱上的並不是用結婚相做的簽名布，而是一塊大紅色，繡上金龍金鳳，新郎新娘名字的嘉賓題名布，自小就覺得它很美，可惜，現在要找一塊嘉賓題名布實在唔容易，要靚的就更難

反而，結婚相做的簽名布就多的是，大部份的婚照package都包埋，所以大部份新人都會用上現代版的簽名布了

唔係泛思做得唔好，而是，我總是對繡上金龍金鳳的嘉賓題名布念念不忘，所以，我都係決定唔用結婚相做的簽名布，去找一塊紅噹噹的靚靚嘉賓題名布

今日行過美華繡莊，就入去問下有冇啦，個老闆娘寸寸地，好似覺得我玩野咁，可能因為當時得我一個，佢覺得我呢個後生女唔會真係有幫襯啦，係咁二攞左塊有龍有鳳O既俾我睇，當然我係好唔鍾意啦，個塊野只係用普通彩色繡花線，一睇就知機繡貨色，仲要$95，你話貴唔貴啦，我繼續4圍睇下仲有冇其他，老闆娘就攞左條金銀色繡花線的俾我睇，唔係呀，我係要D閃令令果隻呀..............佢開始FEEL到我有心買，終於攞去一塊有意思的俾我睇啦

呢條係用金銀線，繡上金龍金鳳的，仲要係特出黎的，好似褂上面的刺繡，老闆娘仲開埋射燈俾我睇下放係酒樓的效果，好靚，係佢啦，不過唯一缺點就是有一小黑點，不過老闆娘話得返一條，佢話幫我洗同計我平D，我見價錢都合理，那小黑點都真是很小，只是現在未有任何簽名先睇得見，所以就俾錢LU，兩星期後等佢繡埋我地個大名，大婚日子就攞得啦~~~~期待中~~~