網誌分類：四圍去 |
圖片
網誌日期：2009-11-12 22:47
11/11---終於到左旅程最精彩的1日，去左長隆玩....
兩點左右，我地去左香江野生動物園，一去到就是睇鳥類的區域，救命.......熟我的朋友都知我最怕佢地嫁啦，
少爺仲逼我幫佢地影寫真，行
呢段路仲慘過halloween玩鬼屋
之後行左一輪，見到隻猩猩好得意呀，就同佢影左張相
又去喂下動物，好開心
跟住我地就去左坐車俾動物睇啦，佢地好得意呀.....
行下行下，發覺園內好似冇晒人，原來差不多夠鐘收門啦.....
我地就去左長隆酒店食buffet，RMB198咋，好多野食，都算抵，大家可以考慮，食到7點就坐shuttle bus去贂大馬戲啦
其實我咁大個女第一次睇馬戲咋，所以十分期待，演出開始，好好睇呀，好精彩，如果第時有小朋友，我地一定會帶佢地黎睇~~~
玩左成日，好攰啦
12/11起身就check out 行多陣，就坐車返屋企啦，點知可能天雨路滑，公路上好多少意外，搞到勁塞車，結果2個變左4個鐘.........
總括整個旅程，我地都好開心呀........嘻嘻，期待著下一次外旅~~~半年後的甜到漏蜜月之旅~~~
wfewe 2009-11-21 12:28
RO素 2009-11-19 08:20