後生仔...唔好丟香港人face史啦...

我諗有黎過台北ge人應該對台北車站唔會太陌生啦, 唔理咩時候都人來人往, 加上佢d出口四方八面, 所以人潮都係四方八面而來, 一個唔小心好易撞到人.

今日放工同兩個同事一齊搭捷運返屋企, 原本放工時間就知道人會好多, 雖然有晒心理準備, 不過我地3個人都係行下唔見咁個, 再行下又唔見咁個咁.  就係咁我地三個好唔容易終於行到去電梯口右邊, 點解係右邊呢? 因為台北捷運ge電梯係左邊行右邊企ge, 所以唔想行ge人都會排係電梯口右邊. 正當我兩個同事已經行左落去電梯而我準備要落果時, 突然旁邊有一對年青人從電梯口旁夾硬big入黎, 就係咁我就差小小俾佢big左去左邊, 我當然第一時間zip返去前面啦, 唔係又會俾果兩個死靚仔靚妹big去後面. 點知當我企定果時我就聽到後面個死靚仔係咁依依俄俄, 因為我當時仲有小小火滾, 所以我都冇注意佢講咩就係咁用國語話佢冇家教唔識排隊, 點知聽聽下唔對路喎, 佢係咁一味repeat同一句, 再聽清楚d原來佢係用廣東話講"佢撞我呀..佢撞我呀..", 我就即刻轉過頭同佢講: "係我, 我係撞你又點呀? 唔識排隊亂打尖俾人撞就抵死ge, 你miss呀sir冇教你排隊咩? 你識唔識禮貌架, 你有冇家教架, 要失禮都唔好係香港以外ge地方失禮啦, 丟晒香港人d架呀." 就係咁講完就岩岩好落到樓下啦.

我d同事就好好奇我做咩係咁講廣東話, 我就同佢地講果d係香港人, 佢用廣東話話我, 所以我咪用廣東話回佢囉...真係谷鬼氣呀, 依家d年青人都唔知想點, 出到外面都唔顧下自己香港人ge身份, 如果十個裡面有九個香港人都好似佢地咁, 人地唔知仲以為我地d香港人係學校冇學過排隊同禮貌呀, 真係丟架呀...激死人呀