我與眼鏡同在

噚日星期五真係過得好險...

朝早7點3出門口行去麵包店嘅時候,突然發覺有野唔對路,

即刻除眼鏡睇睇,點知眼鏡粒鏍絲跌鬼左...眼鏡即刻一分為二...

他媽的...做咩一出門口就咁黑仔= =

好彩,呢度係屋企附近,就算睇唔到野,身體都記得D方向

某:"做咩你講到自己好似瞎左咁"

我冇眼鏡嘅話,真係好唔掂!真係同瞎左冇分別

話晒都帶左成就黎10年

更何況眼鏡係我本體之一(頭髮都係),冇眼鏡就等於冇左我

我存在感會少左成80%<喂!

某:"真係可悲......我係咪應該咁答你呀(咳) "

唉...然後去到麵包店.............我要向前同塊麵包得番10cm距離先睇到係菠蘿包...(可悲)

好彩,平時返學係同馬利同塞巴斯一齊搭車,

所以,有塞巴斯為我指路明燈(汗)帶住我去返學XDDD

然後,返到學校上堂真係好辛苦...雖則我坐前面...

但係黑板嘅字我真係睇唔到....睇唔到....呀....

搞到要一時用手hold住副眼鏡,唔需要用眼鏡嘅時候又要放低...

不停咁重複呢個動作...搞到對眼好鬼痛好鬼赲好鬼gip,但係又狂流眼水

真係好唔舒服...我諗我呢日一定有加深近視(唉)

坐我隔離嘅小喬,仲要串我 :"ANATA(老公)~~,你係咪睇唔到我呀?"

某個無奈嘅老公(我幾時做左周喻架= =) :"近視呀,仲洗講!"

小喬:"係咁我個頭伸近D你咪睇到我個靚樣~~(佢完全係自HIGH...orz...)"

某個無奈嘅老公:"妖!"

-------------------------------------------------------

去到放左學4點幾,先去眼鏡鋪整番好...囧..

幫我整好副眼鏡嗰個人仲話 :"哇!你近視都好深喎"

存在感少左80%嘅我答 :"係呀,成600幾度~"

媽的...我以後都唔會比自己副眼鏡受到不必要嘅傷害!

我今日真係確確實實咁知道眼殘有幾痛苦,仲衰過腦殘....

眼鏡與我同在,也與我的心靈同在(毆)

大家都一定要好好保護自己對眼(我真係好認真...)

話晒對眼係佔左身體感應器嘅感應度有成80%

瞎左就真係同vegetable冇分別~

(P.S.將vegetable諗成蔬菜嘅,同我即刻去面壁+查字典)