初次拜訪 - 深圳"麥田映像"

有時做嘢，真係要講求"霎時衝動 - 顏聯武"，星期六在32度高溫下，與阿B扑上深圳，搭的的再摸上一幢冷清清的大廈22樓，本來想睇睇個環境，但點知咁就係"麥田"落左訂。

自與阿B決定係今年內結婚後，全天候動工，開始上網搵影婚紗相的information。婚紗相，對我來說好重要，因為平時自己好少影相，咁大個人，都未有一緝 或 一張"啱心水"ge相俾我留低珍藏，婚紗相Surpose一世人影一次，仲要影底女人最靚ge Moment，當然要給予100%的重視。第時老左，睇返後生一緝靚相，勾起一段美好回憶，好幸福

係Forum度見各人給予"麥田" 同 "深現"大大好評，再經比較兩大攝影公司網站內的相簿後，"麥田"感覺更Fresh更合我同阿B心意。阿B話既然我已揀定，不如直接踩上去睇睇.......

"麥田"深圳店
地址：深圳深南中路嘉麟豪庭2204室

其實在外觀來說，"麥田"真的不能帶給我甚麼驚喜，真的嚇我一跳。

"麥田"在一幢近乎冷清的商住大廈22樓，無招牌、無廣告、無宣傳，幸好有一對新人同時往22樓，否則我倆真的以為找錯地方。於當天32度的高溫，店內竟無冷氣，無開燈，好一"實而不華"的感覺，見慣世面ge阿B不忘安慰驚嚇中的我"大陸係咁GA la....." 

甫一入店，便看見內己充塞著正在興致勃勃試婚紗，忙得團團轉的男女，生意好得厲害。好不容易等到位客服，向他查詢Package，想不到態度誠懇，絕無大陸式的Hard Sell口吻。且報價清晰、名碼實價等優點，對我此等"絕不講價"的人有絕對吸引力，最緊要Soft Copy 全部奉回，如要執相、入冊等，全標明價錢，此等服務真的非香港婚紗公司所能比擬。

阿B都猛讚de執相的效果，好，去馬.......

當天下訂  外地景区 + 深圳市内景区

深圳市內選了「壩光」，充斥藍天白雲、海景、石地、老房子的自然景象。由於沒有季節性，Book了最近的7月，客服說7月影藍天白雲特別靚。

 另外地景點，由於絕不偏好花景，所以選了「石門森林公園」，但由於想影楓葉有季節性的問題，需分開於12月拍攝，景色包括紅葉、溪澗、森林、梅花等。

分開於7月 / 12月影相，自己成日覺得怪怪地，但阿B話仲好WO......  因為影「石門」嗰日要提前一晚去廣州Stay，而家唔駛咁趕。阿B話OK就OK啦.，我都費事唸a...... 

P.S：1.仲未有短髮婚紗相ge參考Look
         2. 仲考慮緊註冊形式？海外 / 本地註冊？煩惱中......
         3. 繼續物色鞋用來拍照。