文地漫畫

19/08/09

幾年前因為工作關係, 識咗"文地"呢位記者妹(其實係project editor先啱, 不過, 叫記者妹親切啲). 佢係一個好得意嘅女仔, 當時未興齊陰冬菇頭佢已經梳緊呢個頭, 再加埋個粗框眼鏡, 成個look真係好卡通~~ 佢除咗一手好文采之外, 仲好有童真&創意, 將日常生活畫成漫畫同出書, 但我之前一直未有機會睇過.

直至最近喺佢facebook度睇到以下幾個故事, 真係覺得好抵死, 又寫實, 令人好有共鳴感. 今日食完lunch, 行書局時見到佢嘅漫畫書, 即刻翻開睇下, 睇咗幾頁就立即買咗佢第一本作品「他她牠的床」及「他她牠捉迷床」. 放工時, 就一路搭車一路睇, 仲忍唔住笑出嚟, 講出咗好多人嘅心聲~ 文地, 你要加油呀!!!

轉載咗佢喺facebook幾張漫畫同大家分享, 希望佢唔好介意啦~~

佢個blog http://hk.myblog.yahoo.com/mandycat-meow 仲有更多得意故仔睇呢~