心情重組

已經有半年冇寫日誌啦! 就等呢個颱風嘅晚上，再次寫下自己的心事啦~

呢半年真係好忙，日日都忙於工作、返學、做功課、考試，一個又一個嘅循環。忙完一大輪，返到屋企想好好休息都係一種奢侈嘅願望。家中發生嘅事實在太多，大大小小全都消在自己頭上，每一樣都要自己解決，擔子真係好重。心情因此變得越來越壞，又不想在人前表露，只好收藏起來。逃避係一個選擇，但不是一個方法。我知道我應該怎樣解決。

越大越發現真正屬於自己嘅東西係越來越少，而付出係越來越多。付出嘅除了金錢，還有時間、空間、精神和健康。自己應該可以擁有到嘅東西都會因為好多原因而變得遙不可及!!

幸好，這半年來身邊還有一個好大嘅支持，不至我倒下來。原來我還有屬於自己的東西，尋回屬於自己的時間，及享受真正嘅快樂。

活在當下，便是快樂。其實自己已經很幸福了!!