Happy Birthday to Cheery~~

今日原本係返P shift，為左阿萍生日特登同個同事調個九五返嚟。點知今朝一起身手軟腳軟出唔到聲，但都要頂硬上返工，真係寧願返P好過。好在今日A、P更嘅組合都好唔錯，做起野上嚟都開心好多! 仲要個場都幾得，日日都係咁就正啦~放工就返左屋企，冇去到polyu影畢業相，又冇去到搵阿萍食飯，淨係留係屋企訓覺，好似有0的浪費左調返嚟嘅九五。不過訓完一覺之後真係好好多。
尋晚為阿萍同Forward係cafe攪左個生日party，主題係halloween，有成28人參加，場面好熱鬧，不過有少許混亂。阿萍同Forward個造型好掂，一個係四眼哈利波特女，一個係大肚腩Batman，好全神，好攪笑。遊戲環節全由GiGi負責，0的遊戲名同玩法都好抵死，真係好佩服GiGi咁多諗頭。阿萍帶領女家嘅石仔隊硬拼Forward嘅男家南瓜隊，最後都係女家輸左。阿萍就最慘，全晚受大懲罰，攪到又要俾人輪.......坐大髀整爆波同成面麵粉。好在阿萍不嬲好玩得，又好大量，懲罰完又開心返晒。到全晚壽星仔女最開心嘅送禮物環節。阿萍收到好多好靚嘅禮物，開心死佢。禮物當然唔少得我親手造嘅相架同佢好想要嘅keybag，係唔係好suprise呢?? 冇你都要扮有呀!Forward都收到部 i-phone，好型仔呀，我都有份送，不過佔好少部份。最後玩到兩點幾就散啦!今次個生日party雖然唔算好特別，加上呢排自己好忙，籌備得唔係咁好，不過最緊要係阿萍你覺得開心。呢個應該係我第十三個同你慶祝嘅生日，小學0個0的已經冇計入去。希望你日日都開開心心，工作順利，同埋快0的搵個好錫你嘅男朋友仔。
除左攪生日Party同埋禮物之外，呢個星期仲考埋試，真係好充實。考試0的成績尚算可以，成個人鬆左一口氣。話咁快又過左半個學期，呢兩年快0的過埋就好。嚟梗仲有presentation，assignment同final exam，又有排忙，唉!
雖然成個禮拜都好忙，休息完全唔夠，不過心情都唔錯。今次發現自己改變左唔少，更懂得相處之道。不過我知道自己還有很多地方需要學習呢!!亦好希望能夠同每一個朋友都相處得更好，因為我都好重視佢地。