遊船河+慶祝生日

尋日係今年內第三次遊船河，天色一樣係咁好。呢次遊船河係阿邦負責，超值價$130位，仲要有好多野食，抵!!今次冇乜去沙灘玩，淨係游下水同埋玩wakeboard，其餘嘅時間就不停同Jennifer & Valerie影相!。不過自己勁樣衰，玩水時扭親條腰，好在過左一陣已經好左好多。經過多次遊船河嘅經驗，我已經好順利起到板，開始試下用單手，都算係一大進步。不過始終都未能掌握得好，好快走失平衡啦，Bom一聲跌落水。
遊完船河就帶Valerie去配cons，點知個friend竟然放假，好在佢同事都好好人，好細心呢!
之後就急急腳搵埋阿萍去中環，因為我地已經遲到，好三兄弟久等。我地今次食晚飯係同星期二生日嘅衝仔同下星期生日嘅寧頭慶祝生日，我地一定唔敢待薄佢地，一早book左枱係soho食西餐。呢個組合好耐都未見過，難得一次我地五人聚會。我同阿萍送左Agnes b key bag 俾阿寧頭，YSL手帶俾衡仔，係唔係好開心好感動呢?我地仲每人付送一個珍藏版Agnes b X 岡本 condom，希望佢地可以快0的搵人幫佢地用，哈哈!!我地幾個仲擺左好多經典港女poses影相，好攪笑。尤其係一向最媚嘅衡仔，如果我係gay一定拮你pat pat。
夜晚返到屋企又要做功課，仲要plan行程，累死人。

今晚要出發去廣州玩啦，星期日就返嚟!大喇叭等住我~~