我的美式足球回顧01

此文章，相信極度熱血，請各位做好心理準備，不便之處，敬請原諒

一切由呢樣野開始....

由係運動場同阿豪傾衝鋒廿一到興高彩列

呢本野完全係燃燒起我地既熱血...兩個白痴仔係運動場度一路跑一路鬼影龍卷風 扮門太接波....

熱血非常，到真係上網搵人一齊玩.....海盜同我地擦身而過..原因係我星期六要番教會...，最後入左星期四練波既criminal........仲記得個時既我./..白痴到係咁多謝阿天- -...
因為佢比左個練波既機會我.....哈哈..諗番都傻仔..

之後第一次練習..因為同阿豪有d鬧交..我無去到..佢自已去左
之後..佢第二次練習...我就正正式式去criminal 利東地獄主場練波...

個時我同阿豪最早到...係度熱身...
之後見到high fly...
第一時間諗...唔係呀話...呢個人咁大舊成隻熊咁......同我地爭場打波!?邊夠爭..

喔....原來佢係隊長...

不過我個時仲係好驚佢....

「high fly。」high fly一樣指定動作 姆指指住自已 拳頭係心口咁介紹自已..
「叫我痴油....」就係咁...

「有無玩過?有無d咩位想做?」
「我想打攻防線.........」

其實初初我想做接球員....
但係只知自已跑唔快，驚波.....自已得個大份..唔打攻防線仲打咩..
而且high fly個樣咁惡....點敢講打接球員呀..

竟然惡惡的high fly 給我一個好搞笑既擁抱
呢個擁抱係我會繼續黎既原因之一....
(原因?因為無人一黎就話打line...)

就係咁..開始我既打line生涯.....

第一次練習完....high fly話我ok 呀...

哈哈...個種感覺好似搵到有人認同咁.....
由細到大..運動差爆既我..竟然搵到樣野可以比人讚..或者我真係有天份..
(之後問番high fly 原來我岩岩入黎係廢到爆...)

個時既隊員有阿冬 阿天 rover 阿街 anugs 阿豪 high fly 我.....

個時既我....對住high fly.....只係見到黑影..乜都見唔到..

之後練練練..
練左差唔多一個月....定唔知三個星期..


第一次出戰...9/12/07

去沙田同海盜黎左場練習賽...

那時..大家的頭髮都好短.....好土..好薯...

第一次遇到我既宿敵..............個時我會叫佢陸軍褲...


第一次對住佢瞬間比破!...個時我真正知道..我既責任幾大...我要保護high fly!!

最尾好似和波收場....

之後去左豪食..係旺角打邊爐......哈哈

個時覺得...原來我地隊既實力都唔弱呀........
之後知道....原來criminal..係四大強隊之一..........

criminal既過去..原來係咁.......
之後好耐都無比賽...
直到...2/3
咁大個人第一次係草場打波.............
(好似細細個去過草場踢過比賽.....而家諗番..個時打咩位都唔記得..只記得完左同阿婆一齊唔識路同中場休息個時食壽司..)

個時我地諗住一定會輸架啦.....海盜係全港no.1個隊..
為左唔輸波.....我地努力練波..個時連呀"孖士"都有黎幫我地練波..
個時練得好辛苦....我記得好似試過一星期練三次.....
但係個時大家都好開心..好齊心...大家既目標就係嬴...

個時..我地已經多左好多人...阿峰......莊b...嘉榮..阿聰..阿賢 肥雞..

那時的我.....只係做防守組..........我係防守線......
我地防守組都好威架...
我地守住最後達陣區...

家榮講左句，我地係防守組，人地黎幾多次攻勢..我地就擋幾多次!!!
唔怪得..佢可以成為我地既首席線衛...(HIGH FLY 除外..)
比賽結果18:12

差一個達陣就追平....原來我地都唔弱架WO...
哈哈....

之後大家都講.,...原來對面好弱架......平時練波衝撞得仲勁..

又係狂食...今次係大排檔..

打到呢度......遲D再打..
好支力呀..
要訓教..