再續SLR

皆因上次只拍左半筒菲林, 今日再約大S去影埋果半筒。　
上次用f/2.8鏡頭，好難對焦，　所以今次大Ｓ換左支f/1.4比我，　真係易對焦好多！影完雙手都冇攰，　因唔使舉起手咁耐黎對焦嘛！　雖然大Ｓ話，f/2.8都對得掂焦嘅話，咁影乜鏡都冇問題！但我都係揀由易去難好ｄ喇

經過今日嘅練習，更加深買ＦＭ２嘅興趣，其實上星期五差點同個Ching買左，但經大Ｓ check過部機後話唔O.K., 才冇買。好在佢幫手check咋，唔係我實買左！

影完相後攞左筒菲林去屋企附近間沖晒店沖，聽日先有得攞。　沖費加CD$33.00，　比快圖Ｘ平，　小Ming 有８折都要$48.00！而大Ｓ沖晒開果間係用藥水沖，出黎效果靚Ｄ，但太遠，反正我係試驗性質，　菲林都係用最平＄１３那隻，　又唔會晒相，所以都係搵間近嘅就算喇。

唔知有幾多相係成功呢？　期待中。。。。

有相睇喇, haha........... (@10.19)
第二次係有進步wor. haha.........

(最鍾意喱張)

菲林機D色真係Sharp好多, 數碼機真係冇得比!