洗錢之道．．．！！！

星期六, 叉燒包學識左 "洗錢之道" .........

1. 錢要用得正確

老婆包星期六要返工, 叉燒包去接老婆包放工, 同老婆包食午飯.......

叉燒包 : 不如去飲茶囉.........

老婆包 : 我成日都飲茶, 不如去公司附近果間幾出名既雲吞麵啦..........

叉燒包 : 好呀.........

2. 錢要用得開心

果間幾出名既雲吞麵都幾好食............食完.............

老婆包 : 你專登過黎同我食飯, 今餐我請啦...........

叉燒包 : 好呀.........不過今餐平得濟, 我係唔會咁便宜你既, 下次先你請啦...........

3. 錢要用得有效率

食飽, 去行街,

見到男裝部一年一度大特價, 即刻執左半打衫............

老婆包 : 你咁乖黎接我放工, 又請我食飯, 我送俾你啦............

叉燒包 : 多謝老婆

-----------------------------------------------

有關捐錢.

叉燒包係 "唔相信" 所有慈善團體既.

因為係叉燒包眼中, 慈善團體都只不過係一班利益集團.

無錯, 佢地的確係服務緊社會, 不過同時, 佢地亦只不過係運作緊 "一門生意".

所以, 叉燒包只會捐錢去最貨真價實既馬會.

因為俾得 "心甘情願".