已經一個月....

今日係我嚟咗北海道啱啱一個月嘅日子, 亦代表係我離開北海道前最後一星期嘅日子.... 今晚亦都係我住dorm嘅最後一日.....點解時間會過得咁快..... 真係好唔捨得呀....  

講噃今日啦, 我哋班同學仔約埋一齊去円山公園睇櫻花同BBQ, 円山公園係札幌出名賞櫻花嘅地方, 每年一到櫻花季節, 呢到就會好多人, 又會有攤位, 非常熱鬧。

※円山公園入口

※雖然櫻花仲未開哂, 但係已經好靚喇....

※人山人海, 好多人嚟呢到一邊賞花一邊野餐

※日本傳統攤位: 捉金魚

※燒粟米、燒魷魚

※廣島好味燒

其實今次係我第一次喺日本睇櫻花, 真係好熱鬧, 好有傳統氣氛。好多謝班同學仔攪呢次gathering, thank you!