Shopping....Shopping.....Shopping....

今日好開心, 同咗個香港同學仔去行街。我哋一開始先食lunch先, 叉足電嘛....

今日午餐: lunch set, 有肉醤意粉, 湯 & salad..... 好味!
一來肚餓, 二來我哋又好好傾喎, hehe, 乜都唔記得影....只係影得碟意粉.....sorry!

叉完電, 當然開始今日嘅旅程啦!  首先我哋行Stellar Place, hehe, 呢到有好多香港熟悉嘅後生牌子, 我個同學仔好開心呀, 之前佢唔知喺呢到, 比Daimaru嘅OL牌子悶親, hehe, 我哋行得好開心, 乜都睇下, 比起一個人行, 樂趣多好多!

行到5點幾, 為咗想食超多人嘅人氣回転寿司店, 我哋已經就開始去排隊, 等咗成30分鐘左右 (5點幾都要等成咁!?), 終於埋位喇.... d嘢都算好食, 當然比香港嘅新鮮好多啦, 兩個人, 埋單￥2600 (大約$170), 食到抱住個肚走, 底食!

※店內情況

※赤貝寿司（前）海胆寿司（後）

之後我哋由JR Tower鏟落大通Parco, hehe, 呢到更加多鋪頭, 可惜就嚟到8點, 星期日, 日本鋪頭多數8日點就收, 費事阻人收工啦, 我哋行行下都要收工lu.....

全日總結, 只係買咗3樣嘢, ok啦!