公主覆診，小BET要檢查

尋日先去完影相，番到屋企定要冲吓凉，琪琪，Gor Gor，妹妹牙我搞掂後，Daddy抱住小 Bet冲(因上次 Bet Bet手仔痛，Daddy話以後佢抱住冲安全 d )，突然我摸下小 Bet肚仔，發覺之前已有生在小乳房旁邊的小粒大了小小(Daddy都話覺)，我心即下沉，同Daddy講今朝一早定即找劉醫生，順便同小公主覆診。

行姐姐好好，知我担心，8:30已到狗房排隊取丑，但劉醫生放假(成日都放假嘅？)，冇問題~~~仲有好好既靚仔陳醫生，陳醫生先睇妹妹牙...重7.4，再細心check皮膚，話好左好多又讚公主營養夠，毛毛生得快，但仲要食藥藥同打針針。

之後再睇小 Bet-重5.9再摸肚仔，話 Bet珠粒粒吾算太大(我担心佢之前吾知大幾多...平時劉醫生跟，胡醫生都摸過)，但陳醫生細心解釋Bet珠吾算大問題，真係突然有變化才解決，因年紀大要麻醉始終有風險。我再應真請陳醫生唔好喔我，我好担心小 Bet，佢亦坦白話佢係誠實回答，我信！(我有時都覺我太緊張有 d 精神病)多謝陳醫生。

之後一定係影吓相相喇， Daddy仲話要帶兩個美小女飲咖啡(以前曼曼，小寶都去過)，等佢哋睇吓街街，試下坐街邊喎！