包包的食相

本座近排發覺包包既食相非常之咁有儀態既  所以post出來俾d哥哥姐姐們過目下其實本身唔係特登影晒佢食相既....但事后發現...佢真係冇乜相唔係食緊野喎 包包: 咁橋之嘛

大家睇下e張....食魚食到好似食酸梅乾咁爭在未變超人咋  包包好怪咖...有時就算食緊佢愛吃既野...個樣仍然好似食緊毒藥一樣

包包: 見你地望我食得咁開心....我又豬咀俾你地睇啦

高比媽: 你因住習慣成自然呀 而家就話可愛者...大d就叫醜人多百怪咖啦

包包:  嘿嘿...結果婆婆同公公咪又係o林到不得了果然係包包一出  誰與爭峰

包包: 走開啦Lily姨 你咪又喉住晒我d玩具呀 Lily: 好巴閉咩...我夠有囉..姐姐 (即係本座) 之前買俾我咖 仲好講呀你...自從你出現后...d人上到來一見到你   就唔記得左我存在咁呀想當年我幾受歡迎呀...  包包: ed叫長江后浪推前浪...阿姨你接受現實啦

拿!! E餐係我正餐來咖唔好以為我貪吃呀

媽媽你餵快d啦...我好餓呀 高比媽: 你洗唔洗咁呀？ 人地唔知以為我餓左你好耐呀你好似早幾分鐘前先吃左幾塊餅餅喎

包包: 係囉係囉...餵快d我咪冇事囉我其實好易話為咖 (本座無言中...)

又食緊野？   包包: 唔關我事咖...今次係筠姨姨上來探我時買俾媽媽同婆婆既手信之嘛

包包: 嘩..天口慶食雪條真係透心涼啊 就算只能掂一掂都係好既

包包:點解我變成花面貓？  因為麻麻成個甜筒質落來俾我掂下囉

包包: 唉呀 >.<  又係餵得咁慢咖等我自己渣住來吃啦好嗎

拿!!  E餐係唔關我事咖係表姐吃緊通粉順手餵我飲d湯湯同食幾粒粉粉咋

正呀!! D湯汁寧捨好味

-----------------------------------------------------------------------------------------------

同場加映~~ 包包浴后照

咦？ 筠姨你做乜呀...手上做乜渣住個相機咖？ 莫非筠姨你陳冠希上身

唉...我諗我逃唔到你同媽媽既魔掌咖啦 影啦影啦...不過留條生路俾我喎

影后面好啦   你睇下我幾有條線美