終於食糊仔了......

小樹，

近日毒奶粉的事引致米糊都有事，而你差不多時候食米糊，上次去健康院，姑娘話你５個月可以食。媽媽見報導話超市ｄ米糊比人搶購一空，真擔心你冇得食，所以一見超市有貨，ｏ拿ｏ拿臨買定２盒，lee２盒係最後２盒，有ｄ超市１盒都冇，得ｏ個ｄ蕉蕉味、士多啤梨味咁，你第一次食要食純米糊麻．．．．
lee隻冇事，食得安心，小樹放心

媽媽見你近日望住我地食ｏ野眼定定，好想食的樣子，都係時候食ｄ奶奶以外的食物了，就係你仲有４日就到５個月的時候（10月6日)決定比糊仔你食．．健康院指示首先由１茶匙開始，咁食住小小試下，你好鍾意食的樣子，搶住食咁，若沒有敏感，可以加量了．奶奶你一見到會張開咀，但米糊你未知道，媽媽放了少少落你咀裡，你發覺好味，就懂張開ｄ個咀，不過都未係好識點食，所以會痴到成咀都係．學習咀嚼，米糊係第一步，小樹你做得好好，好叻呀！仲有好多好好味的食物等緊你呀！
（媽媽之後試過ｄ米糊，真係幾好味喎～）

你而家坐張搖搖床已經較高了一格，唔駛淨係望燈，可以坐係到望下我地，你個樣都好興奮呢！

你可以自己渣住個奶樽飲奶奶，不過唔係渣得好穩，會搖下搖下咁．但係絶大部份時間你都係唔會渣住的，一個字“懶”

媽媽又買新玩具給你，lee隻不倒翁熊仔，仲有隻龜龜，你好似鍾意龜龜多ｄ

星期日返教會，好多人都話你大隻，係大碼ｂｂ，你而家已經食220ml的奶奶，可能係食得掛，只要你健康，大碼細碼都唔緊要，媽媽o錫o錫