37週

  今日去做產前檢查宜家囝囝有6磅不過唔夠家姐重呀!!醫生話細B最多都係得7磅到!!唔算大碼B!

  最搞笑係細B的手手腳腳既長度比週期細兩週,我宜家37週但係細B既SIZE只得35週,醫生話細B手短腳短唔似我,似晒我老公喎!!!哈哈!!真係比佢激C喇!!!

  我奶奶今日都有陪我去檢查所以佢即刻幫我出氣,奶奶即刻講:(唔似亞媽就似老豆架啦!!唔通似你咩!)哈哈!!不過大家都知道係講笑既!!我地成日都係咁呀!!!

  不過大至上細B都無問題,因為我奶奶既關係所以醫生再幫我照4D,我奶奶睇見個孫既樣同慈菇仔好開心地笑出來,因為佢成日都好想見到個孫既樣今次比佢睇到所以佢好開心.其實都唔使心急啦!!下個星期囝囝就出世喇!!到時日見夜見啦!!

  生梓琳係九龍法國醫院,今次呢胎都係去番九龍法國醫院,因為順利而且我覺得個到番新完好光猛又乾淨又唔會一大陣醫院味,氣氛喜洋洋D,所以點都要揀番係個到生.不過老公同我屋企人就辛苦D因為每次探我倆母子都要過海而且車程又唔方便,所以難為他們了.

  唔知梓琳係咪知道細佬就黎出世所以擔心到病了,琴日開始發燒今日燒到103度好高燒呀!!醫生比左3種唔同既退燒藥,分別有:藥水,快退高燒藥水,極退高燒塞PAT PAT既藥,抗生素比定梓琳,我即刻幫梓琳塞藥先因為快D退燒無咁辛苦,之後梓琳不停出汗換左兩次衫衭不過就好快退燒,不過晚上又開始發燒今次比藥水佢飲點之佢一飲就嘔番晒出黎就連食過既野都跟住嘔出黎,搞左好耐終於先飲到.宜家終於瞓左嚕!!

  今日好累呀!!我都早D瞓喇!!早頭!!