結婚一週年

  話咁快就同老公結婚左一年喇!過去一年都過得好開心!而且添左位新成員!haha!

  講番結婚一週年先!我地無乜特別慶祝又無刻意安排慶祝節目,因為我地都係鍾意即興既!開心日日都係週年日,平日老公對我都好好又無野要我擔心.

今晚我地去左九龍城澄海老四食潮州野!

頭盆:金不換炒薄殼.好野味呀!我都係第一次食啜到我個口都好攰!haha!

主菜:招牌煎蠔餅.D蠔仔好新鮮,粒粒都好大呀!個蛋皮煎得好好食,一大塊就比我地兩個人食晒喇!到依家我地兩個都無肚痛.

當然唔少得每人一碗潮州翅啦!仲有芽菜,莞西伴送.加埋落D翅一齊食特別有口感而且好清香呀!我地特登揸車入去食佢地個潮州翅,記番起之前我生完BB住醫院既日子老公每晚都會買一碗比我食,第一晚仲買左兩碗添!食到我肥晒!

最後一味菜:豉椒炒魚扣.炒得幾有鑊氣,魚扣好爽可惜無乜味道,不過D青椒洋蔥好好食.不過睇落個賣相好似魷魚鬚咁!HAHA!

P.S.就係四樣野都食到我地兩個攬住個肚仲滿載而歸,雖然只係一餐飯仔但係我都覺得好滿足喇!因為..................................................................盡在不言中!!!!哈哈!

下次我有個秘密公報...........想知D乜就唔好錯過喇!~~