這個夏天

十一月終於來臨了

雖然天氣預報話會轉涼少少，不過比想像中還要暖。昨日行街都有想過買外衣，最後都係打消左呢個念頭。係收埋部份夏天衫既時間，似乎又係要回顧既時間啦！

運動……

昨日再次去左打沙排。唔知點解打得特別興奮，仲「居然」數次攔網成功，可惜到最尾真係手軟，開失幾球波。總括而言，打沙排真係好開心，再次多謝糯叔既邀請，希望打得幾多場得幾多場 (天冷大風唔打得架啦！)

另外在下亦開始游自由式，雖然都未游到一個直池，不過都希望可以繼續keep 住游水。以前D 阿伯都係游冬泳架啦！不過在下只可以頂得住游暖水池。其實都覺得呢一年身體好左，可能同一直有做運動有關。所以繼續呢個習慣都幾好。

工作……

至於份工，都順利續左約，亦都習慣兩個office 走來走去既生活。其實都有想過繼續hea下先，定係搵工先。不過續左約在下搵工意慾大降。隨之而來就係諗搬唔搬屋。其實唐四樓300尺月租$4000，一D 都唔平。但另一方面又諗，既然呢份工做多一年多數都唔做，不如先儲多D錢同埋去旅行，下一份工先至搬出來。不過咁樣拖又好似唔係辦法，既然暫時都未有定案，都係過埋十二月先至算啦！

感情……

新朋友似乎冇咩興趣跟在下在MSN 談下去，不過都俾機會在下了解多一點自己，都不失是一個壞事。

生活……

好啦！十一月新開始又來啦！呢個月好有目標，因為月底就飛啦！由傾行程o個一刻開始，已經覺得開始去旅行架啦。仲有夏天過左，都可以去多D映相，唔駛大汗疊細汗咁辛苦lor。