蘿蔔糕

由上個月買左臘腸時，巳好想蒸蘿蔔糕食。

等呀等，終於等到買到靚蘿蔔，假日開工，新鮮出爐即晚巳吃了半底，唔洗兩日就攪掂晒，一粒蝦米都無剩呀！

爆香蝦米、臘腸、元貝~

下油爆蔥頭茸、薑，下蘿蔔絲(蘿蔔水留用)、片糖煮8-10分鐘~

粘米粉、澄麵加蘿蔔水和水半杯拌勻，過篩(半杯水視蘿蔔水份，足夠可酌減或不加)

蘿蔔煮好下粉漿煮至稠身熄火，才下鹽，胡椒粉調味，拌入蝦米、臘腸，記住挑番舊薑出來，蒸一小時。

蘿蔔2斤半，粘米粉160g，澄麵40g，蔥頭1-2粒﹝切幼﹞，薑1舊，鹽3/4茶匙，片糖1/4片，水半杯，胡椒粉少許，臘腸、蝦米、元貝大量。