趁現在仲係單身 ... 唔好諗咁多喇 ...

每個人都有一 d 自己想做既事 ... 我亦都認同, 有 d 野你依家唔做, 就呢一世都再無機會做, 你認同嘛 ?

可能你覺得無可能, 但係當你要做一樣野, 但係可能有好多周邊因素會影響到你既決定, 你就會覺得呢個世界其實係幾無奈. 人生沖沖幾十年, 我真係會怕將來會好後悔, 點解有 d 野唔做 ?

其實當我到左一個思維成熟既年紀, 我都好遺憾自己點解無機會去外國升學, 去吸收外國文化, 令自己性格上, 語文上有所進步. 但係因為一 d 家庭既負擔, 屋企既環境令自己無呢個機會. 咁又唔可以怪其他人, 因為呢 d 都係每個人唔一定可以擁有既野. 咁去唔到外國, 咪係香港讀囉 ... 一樣就唔一樣, 但係只要有呢個諗法, 就要盡力去做, right ? 咪棄而求次囉 ....

咁係我眼中, 有 d 想做既野, 都有分身分. 有 d 野單身既時候你係較容易做到, 有 d 野當你有左另一半既時候, 就變得更加難. 你唔信 ?

你有試過一個人去旅行嘛 ? 你會話, 一個人去有咩好 ? 但係當你一個人去體驗一 d 生活, 經歷, 去另一個世界自己處理一 d 問題, 其實都係一個考驗. 哥個成功感同樂趣唔係用言詞可以表達到. 哈哈 ... 膽量都當然唔少得啦 .... 最大問題係當你有左另一半既時候 ... 就真係無可能喇. 你同你老公或老婆講, 你一個人去旅行 ? 換黎既可能係一場家變既序幕吧 ....

講多個例, 學電單車咁丫, 如果你有另一半, 佢只會覺得系不切實際, 點解唔買一架車 ? 起碼可以隔離坐埋我 ... 如果有下一代, 你另一半就會同你講, 車 ? 都係最好要一架大少少, 七人車吧 ....

贈言一 d 現在仲係單身既人仕, 有咩想做就唔好等有另一半先做, 否則 ... 可能一世都無得做 .. 哈哈 ....