屯門公園

今日阿仔晨早8點幾就起身喊飲奶~
飲完奶一直玩~ 玩~ 玩~
我就做完家務(自己野)坐係梳化發牛豆...
某人去我個BLOG留言話我掛住打機唔抽多D時間比阿仔

OK~ FINE~
我又試下一整日都唔掂部電腦又會點?
結論係...
我要迫我自己坐係梳化不停睇電視...
本身就無咩興趣睇電視節目既我
睇到打喊路... 合眼瞓...

阿仔平時8點幾就起身食奶
之後就會再瞓到10點幾11點先起身
今日唔知做乜鬼? 鬼咁好精神!
搞到我因為唔夠瞓又頭赤又牙痛...
諗住佢下午食完奶/飯之後會小睡
等我都可以去抖下
點知一直玩  = =
後來5點半左右我真係係屋企悶到發慌
就同左阿仔落左樓下公園玩
行過中學既球場見到人地打籃球好開心
人地一射籃阿仔就好大聲卡卡笑~
見阿仔睇得咁開心就企係度睇左陣
但係佢越笑越大聲 (影響到人地啦~)
迫於無奈就抱起佢走人...

之後去到公園見到好多人打羽毛球
阿仔又好開心咁走埋去人地度睇
睇完一堆又一堆~
係個場度四圍咁走~
我拎左吹波波落來玩
佢就追住D波四圍走~
又會想去捉住D波波~
後來有幾個小朋友踢足球
佢一見人地玩佢又走埋去玩
係咁追住人地後面跑~ 笑死
係呢個時刻~ 雖然有D危險
但係我想比阿仔去接觸其他小朋友~
一味太保護都唔係辦法
跑到趺成日都會有
唔係太痛佢都會自己起身~
我又拎左個足球教佢用腳踢
一時時都肯用腳踢啦~
不過佢都係比較鐘意用手掟多D~

後來去到草地見到個同阿仔差不多大既小朋友
初初以為個小朋友係女仔~
因為對眼好靚個樣又斯文
不過後來諗返起~
我覺得係髮型既問題!
我個仔剪左呢個咁男仔既髮型之後
都再無人話佢似女仔嚕~ ^_^
新朋友仔叫「軒軒」
軒軒19個月大, 比阿仔大2個月
唔怕生, 好鐘意權權~
因為阿仔一走開左佢就有D想喊... (哈哈)
軒軒鐘意權權既程度去到又攬又錫~
通常都係我個仔走去攬人嚇親人多
幸好阿仔都好NICE~
軒軒攬佢錫佢都唔會反抗 ^_^
阿仔係草地不停四圍走~
軒軒就係後面不停追~
咁細個暫時都仲未識一齊玩 XD
玩到差不多7點天黑啦~
大家都要走~
軒軒一家住將軍奧~
離我地太遠啦~
我諗撞返既機會都好微~ 真可惜~

最後, 我要求佢地EMAIL返軒軒同權權既相比我!
2家人又影左合照~ 希望會收到相啦~