考車牌成功 !

擔心左兩日

0係八號風球過後, 考試無需延期

可以如期進行( 好彩好彩!)

雖然話唔係好驚, 但考之前果十五分鐘0係車內等考官, 而且落住雨，都幾緊張! 好彩路上唔係有好多屍橫遍野的樹枝姐...

考泊車掉頭果時，個阿sir 提我，唔好扭死軑

我話...我唔明咩係扭死軑

佢以為我唔識聽中文，想用英文解釋....原來即是「車輛停定時仍然扭軑」

死伙, 個阿伯一路教我都冇話唔可以咁樣.....

而家阿sir 話扭死軑 3 次就會fail !

嚇得我!!好彩我識執生．．．．．即刻改變策略！

不過都係好驚驚!!

好彩最後pass 啦! 唔係就搵阿伯算帳.....

臨走個阿伯仲叫我拎 40蚊出黎.............唔知比邊個職員......

 

呢一年都冇做過d 咩有意義的事，呢一單考牌成功叫做有d 作為....

今次考車total 學了15小時零45分鐘咋，呵呵

用左 $2520 + 租車$800

考試場地 : 石蔭