收到信啦

昨日知道左到最後呀RICK落唔番HK搞喪禮, 要係大陸進後呢個身後事了,

如運番落HK, 要搞很多手續, 兼且要駛很多很多錢, 大陸咩都係錢,

錢真係萬能嗎????大陸每個人都係比我標簽做見錢開眼的!!!!極之討厭~

所以唯有只好等燒成骨灰才帶他落HK, 唉~~~難為左他的家人了~~~

而我同左媽咪講我會上大陸參加他的喪禮, 媽咪竟然叫我唔好上,

話係大陸好危險唧, 我話佢都係朋友, 我送佢最後一程有咩唔啱呀,

我話又唔係我自己一個上, 有人同我上架, 你唔駛擔心啦~~~

我都唔想同佢嘈~~~所以無再同佢講野啦~~

今日放左工之後去左沙田行一陣就去睇牙醫~~先再番屋企食飯~~

番到屋企, 屋企人同我講威爾斯寄左信比你喇喎~~~我話咦咁快寄嚟既~~~

一拆之後見到24/3, 嘩..我有無睇錯!!!!排得咁快既, 我仲以為自己睇錯,

年份月份日期我都重覆地睇左幾次, 睇得好清楚係2009年3月24日星期二,

因為好多朋友都同我講應該要排一年架, 好感恩呀~~~THX GOD~~~

再次感受到禱告既效應啦~~竟然在唔開心既時候, 有點點安慰~~~