星光吱喳窿starchitchatroom

~~謹以此文獻給我的一班網上朋友~~

我有一班網上認識來的朋友, 我地來自不同背景, 有老有少, 有男有女.

我地都係來自...星光吱喳窿!

哩個中文名, 應該係owen改嘅, 都幾貼切, 在還未有icq, msn的年代, 當大家還是熱衷於email, 寫homepage (現在都寫blog了..還有誰做homepage?), 玩bbs/newsgroup (不是forum..), 有realtime response的chatroom的出現, 的確帶來不少歡樂時光.

starchitchatroom前身應該係香港早期的一間isp, hkstar的chatroom, 聽聞早期是試玩, 當玩得火紅火綠時, 執左! 後來在wbs.net的japanese room重生, 再由這一班窿友用starchitchatroom之名, 每日六點再開一個private room, 把之發揚光大!

全盛時期, 早午晚深夜都有唔同人響度chat, 而出來食過飯嘅, 都有30幾人, 當時飯後一係卡拉OK, 一係去飲野, 唱歌骰盅猜枚嘈之巴閉殺死人咁濟!!  唔出來的日子, 每晚八點開始, 大家就開始陸續響chatroom出現.

還記得有時候, 大家會一起睇住電視chat, 最經典係深夜重播大時代, 一齊睇, chatroom就一路討論劇情(升! 啪啪啪! 升! 啪啪啪). 還有1997年6月30日晚上, 大家一起睇住解放軍入城..............

當時的chatroom, 除了可以打字 (中英文任君選擇, 不會打中文就狂copy & paste人地口水尾!), 還可以貼圖, 最難忘的應該係呀paul的自拍照..

後來, ICQ的出現, 大家就開始少玩CHATROOM, 再後來, WBS被收購了, 就連CHATROOM都沒有了.. 又或許是情懷不再, 後來再嘗試過用其他形式出現的chatroom, 都未能挽回昔日的時光..

現在我ICQ上面的名單, 95%都係當時的窿友.. 現在都各散東西, 有一些仍然有聯絡的, 有些不知去向, 有些下落不明, 有著草走佬, 還有已經離開了我們的罸錢王DDD.........

有一些從來沒有出來見過面的神秘人, 到底是男是女, 到今日都係一個迷~~~~~~

排名不分先後... hungming, laser, kingkong, tango, ddd, ahbo, naga, tiffany123, paul小露寶, man (omc), fiona, rederic, connie, 力夫, lok, monica, kwok測試, jessica, iko, blue, doris, 綿裡針, owen, cookie, fatcat, littleboy, TMM, TCPI, winki, will青紅蘿白, rita, 天定, 琪琪, 貓骨, 小白, hksay, cybersam, super computer, 水鴨, william, TVB, veronica, dave大帥, mksystem神鵰大俠, 森里瑩一, jackie(heaven11), 梅少, 不休, 華, missbaby, onqq, eva, maylai, siubo,  ..........  還有很多很多..

仲有... 一個人改十九幾個名, 結果搞到個chatroom同時有七八個人, 但其實係同一個人開七八個window自己同自己chat..

唔經唔覺, 已經十年了, 比我早加入的已經有十幾年.

以上如發現任何失蹤人口, 或者有任何老人痴呆患者發現或被發現個名響上面, 請自動浦頭, 並向失蹤人口組聯絡!

又或者響嘟一聲之後留言.....................嘟!