華文戲劇節 2006．香港

今日去左大會堂展覽廳的＜戲．遊－香港舞台中國情＞展覽，因為ｍａｙ姐叫我去幫手充撐場面！同埋要比返ｄ稿佢！

事緣幾個月前去睇＜晚安啦，媽咪＞，碰到ｍａｙ姐，佢一見到面就話，係喎．．你好打得喎！係呀．．我係打得．．不過係打字個打啫．．

於是就客串下幫手打字，最初係籌備展覽用的文字，後來有訪問稿．

昨日ｍａｙ姐又打來求救，最初懶醒拍哂心口話唔使好夜可以交功課你放心啦ｍａｙ姐，點知做到朝早六點！總算對得人對得自己對得個天！（不過我知佢地響場地應該係做通頂．．．！我算好彩！）

放工就去比返ｄ稿ｍａｙ姐，順便參觀下．ｄ展品好多都好珍貴，大家去睇果陣記得唔好手多多！

仲有見到好多舊朋友，舊同事！有ｄ掛住以前的日子．．．　

諗返起９６年第一次去北京，就係跟大伙去參加第一屆的華文戲劇節，當時係叫中國戲劇交流暨學術研討會，然後就開始每兩年一次嘅華文戲劇節．唔經唔覺已經係十年前的事了．．．．．．　

果陣去到每個人都有張証，我都有．．．我都係第一次比人當係演出人員！

大家快ｄ去大會堂睇展覽啦！http://www.hwxj2007.org/

PS.. 多謝ｍａｙ姐比個機會我幫下手！