絕代商驕已經做完了, 好唔捨得子華!! 事關我幾唔得閒都好, 即使當晚睇唔到, 第二日 lunch 都會上 mytv 追返. 難怪上星期已經有 39點, 唔知大結局會否更高呢?
呢套戲, 子華的確進步了很多, 有幾場戲講佢為左要幫安家的米公司, 做哂衰人, 仲要俾自己亞媽話左句 :早知唔生你, 唔認你. 果場戲睇到我差d喊.之後三水妹問佢發生咩事時, 我真係覺得佢好慘. 子華 d 內心戲真係不得了.
所以, 我都好讚成開拍麥提爽前傳, 講下佢之前係點做黑武士. 再開拍續集, 講下同三水妹一齊後點樣繼續做白武士. 因為"商業" 呢個話題實在係長做長有.
子華咁正, 我緊係有睇佢個 talk show "嘩眾取寵" 啦. 真係好鬼死正, 係咁忙碌又煩的生活, 抽一點時間聽下子華講野輕鬆笑下, 實在係一件好事, 不過, 對於一個讀哲學出身的子華, 佢講既野又豈止笑完就算呢??
8/26晚同朋友去了看黃子華的楝篤笑 "嘩眾取寵", 話題圍繞經濟, 時事, 科技, 兩性關係, 天真與成功的關係, 結婚, 拍片寫 blog, 如何才叫豪, 時事等.
當晚早了一點入場等開幕, 見到好多人不斷入坐, 而且係坐無虛席, 真係好"爆"呀!! 舞台亦貫徹簡單的風格, 再加上一身有型的衣著, 今次他打扮得有點 MJ feel, 應該是對 MJ 的懷念吧.... 長曲的頭髮, 束一條幼幼的辮子, 閃爍的戒指手鍊.
一開始, 子華就行出來叫口號 : "回水! 回水! 回水! 回水! 除褲! 除褲! 除褲! 除褲! " 而且子華仲為呢個口號作了首歌, 相當爆笑. (如果唔明白, 一定要睇返佢以前的楝篤笑先會明)
之後就不斷向觀眾發動攻勢, 令到全場不斷笑, 不斷拍掌. 真的很好笑, 好羨慕坐第 5 及第 6 段前排的人有機會上台跟子華會一會, 握手及近距離拍照. 哈哈, 不過羨慕都冇用, 因為買票真的很難很難, 即使唔介意買貴飛都好, 都可能係坐貴飛的後排.
我睇過其他人的 blog, blog 主話見到有其他觀眾睇完子華的 talk show 話佢仲攞早前的淫照黎笑, 係對主角們的一種傷害. 而 blog 主當然覺得呢個聽唔明的人好膚淺啦, 而且我覺得好認同. 點解??
子華係咁講的: 「現世代婚前性行為令人身敗名裂，婚外情可以致富，被人偷睇要道歉，偷睇人就要投訴；有人相信有性行為的人不可天真；相不相信媽媽不天真嗎？有沒人的媽媽沒性行為？」當觀眾回答瑪利亞時，子華即說：「她不是你媽媽，想做耶穌？很大膽！相信藝人的形象等如藝人的本人就是真正天真。」子華最尾都講得好清楚, 而且係一鬧就鬧哂好多人. 勁!
子華仲講左好多野 ga, 真係好好笑, 大家想知就要待出碟了. 而佢上次的 talk show 越大鑊越快樂已經出左碟喇. ^^
子華, 加油呀!!!
我喜歡這張相, 因為子華笑得好開心. ^^
JMiu
