突然感動~

今日個人好攰.....就連行去搭車既路....都要用好多好多力氣去行咁!!!

返到屋企.....第一時間連鞋都未除就撻左係梳化....阿婆問我食左野未....我話未!唔知買咩食..諗住自己煮個烏冬算!!原本訓緊覺既阿婆....見我咁攰既樣....等我去沖涼既時候...佢就偷偷地起身入廚房幫我整餸煮烏冬.....沖完涼出黎仲問我食唔食依樣果樣...我話唔駛.....但佢又偷偷地放左落去....最後比我夾起發現.....我正想開口既時候....佢就對住我整出傻笑既樣.....死未!!果一刻.....兩婆孫就係咁對住傻笑喇..........

有時會係度諗.......就算係出面發生咩事....有幾咁辛苦....幾咁唔開心都好....只要唔洗阿婆擔心就夠喇!!!