屋企大翻新~前

依張就係岩岩執好晒野...準備整個天花既時候喇~

個天花真係好唔掂呀=.="

依個其實係我間房黎架=.="整廳既時候....我就係訓係左下角果個位度喇.....要''損''入去訓架.........

係2月去完福州之後....阿媽同martin就黎一個''屋企大翻新''.......因為屋企個天花耐唔耐就剝落........再加上想比一個舒服既房我.....所以佢地動工喇.....

岩岩整既時候....真係好唔舒服好唔方便....又多灰塵....好多野拎起手就要搵一餐.....而阿婆係裝修期間就去左細姨度住.....阿媽同martin就日日係咁執野同油油......今次翻新好多野都係佢地兩個一手一腳整架!!

martin真係好勁...好多野佢都識....而最掂既就係木工.....間屋足足攪左差唔多兩個星期.....就連阿婆係細姨度住左一個星期度就開始扭計想返黎....哈哈!!!緊係啦...佢怕阿媽掉晒佢D野嘛....哈哈!!

而我間房就完全唔同晒......有新床.....有衣櫃....有放電腦既位.....阿媽話淨係我間房都整左成萬銀呀......不過我真係好鍾意!!阿媽好錫我呢.....~.~佢比咁多錢黎整間屋.....整間房....但自己只係一年返黎一次...為左邊個呢?當然都係想比一個好既環境我同阿婆姐.....所以我應承左佢.....每個月最少黎一次大執屋同攪清潔....yaya~