大家幫幫手

以下ge內容係從一個blog友中看到，我自己都認識呢位blog友，知佢好想幫呢隻狗仔，而我自己都會捐小小小小的錢出來，希望幫到小小忙啦，但我唔會叫唔識ge人捐錢，只希望一ｄ認識呢位blog主ge朋友，如果真係想幫隻加狗仔但又唔可以收養佢ge,不如每人出小小小小力，幫下隻可憐ge狗仔啦

詳情可到此看

http://hk.myblog.yahoo.com/stelladaily/article?mid=3794

今日有阿臭既相喇~!!
佢其實真係好靚仔又好乖!!

尋晚沖完涼..又剪左少少毛...佢今日真係清爽左好多...好smart ar個樣
我以前不嬲都覺得史納莎好似伯父....又嘈...
不過阿臭個樣好特別...好靚

佢今日個表情都relax 左好多la ......... 
不過成晚都無係人地屋企個天台痾尿........... 點知一落車就痾左條河出黎.......
阿臭都幾懂性..........不過佢到依家都未痾過便便
聽同事男友講佢仲食草 /石頭...................................... @@
唔通佢之前都係咁樣過活?!?!

飄逸飄逸


不過佢英俊ge 背後.............就係咁一個個圈甩毛...
唔知係疥癬定係毛囊蟲呢....個次去維多利都未做test
過多幾日去東方驗真d ..........!



show dog咁既姿態........ 連我媽一見到都話唔錯wor........


但今日睇真d 真係損傷累累.. 而patpat 後面個"枕"係因為坐得多wor @@ (petshop A 個老闆講)....
而阿petshop B 又話佢pat pat d肉都已經鬆弛哂........ .



我同事男友帶佢去散步....
因為佢地無養狗經驗..所以入左草叢 不過尋晚噴左spray 唔知頂唔頂得順呢


係pet shop b沖涼剪毛ge 情況 佢一路都好乖 無郁無吠過........
佢地估計佢係係狗場ge地方生活.......
.

而petshop A 就係阿臭住宿既pet shop(無寵物賣)
個老闆幫佢捉左 4粒 fleas/ticks 有無搞錯...??!
petshop b 沖完涼都咁?? 定還是短短路程已經又惹到一身野le???!

阿臭會係petshop A 住三日....
而呢幾日我地會盡量搵人收養佢/再作打算...
如果唔得都會繼續住多幾日..............但長此下去都唔係辦法...............
一來人地petshop有其他客都未必俾你住咁耐...二來我地都未必負擔到..
仲要睇醫生呢  依家心絲蟲/防疫針等等都未搞ar..........

如果大家有興趣知多d or 見下阿臭 or 幫下我地手都無任歡迎

不過好老實我地依家最需要係
一個安穩ge 家 or 一個可以暫養ge家同埋金錢ge 援助....

因為阿臭佢唔係好理人............ 甚至真係睇唔到好清楚
連行路有樓梯/有一級台階佢都唔知道   
大家積少成多...無咩所謂...
阿臭一日70蚊住宿費,每三日要沖一次涼 90蚊 ...然後仲要睇醫生,買耳水等等
我地短短一日已經用左千幾銀..........
我家仲有隻藥煲肥妹添... 真係要捉阿妹去賣藝幫幫手

如果大家真係有所感受,都請大家幫幫忙.........
1) 俾一個溫暖的家佢
2) 俾一個短期住宿ge家佢
3) 幫手將佢既故事 forward 等多d人知道,增加佢被領養ge 機會la
4) 物質上援助佢/我地


阿臭好乖咁 俾老闆A 捉flea/ ticks
點捨得拎佢去spca /漁護署le??
老闆A都話就算送去SAA/SPCA 佢地都唔會收........ 又或是收左都只係會送去漁護署處理