You're my best friend

昨晚....
同兩位好友渡過好開心好開心既一晚~~

首先....我地去Element食左餐豐富既晚餐~~

然後.....再去旺角某間樓上Cafe飲野閒談，
傾到大約零晨一點，Cafe都打烊....

我地再轉竇.........打個冷...繼續吹水詳談....
跟住.....連大排檔都差唔多收工.....
係時候歸家...
點知.....行行下......我地竟然無啦啦轉呔...

踩埋落麥記啪返個早晨全餐，
報時訊號一響，而家係早上四點五十五分....

再....傾傾傾傾傾....傾到六點....
嘩﹗我地破左上次五點既紀錄呀~~哈哈﹗

由夜晚七點....到早上六點....足足傾左十一個鐘....
完全冇dead air，完全冇悶場，話題源源不絕....
講真....能夠願意玩到咁夜，再即興玩到盡既朋友....真係唔多....
要搵個肯同我咁癲既朋友，真係得妳兩個~~~

Love you two~~~