期待已久的BBQ

昨晚咁難得可以一齊約埋去BBQ，但我真的很不爭氣！唔知是否太肚餓，之後食嘢就胃痛了，痛咗一個鐘，去咗車到休息，瞓咗係到之後好咗好多！後來豪仔順便買埋胃藥俾我，謝謝呀！我都唔想大家擔心，期待很久了，為了可以昨晚去BBQ，我乜都唔理，下星期二才算啦！今次BBQ順便慶祝三個人生日，有三個都是呢個月生日，祝你們生日快樂，身體健康，開開心心！

在等車入去BBQ之時，我係佐敦某間糖水鋪門口等佢地來接我，佢地叫我買碗湯丸，買咗之後可以坐一陣，但我都唔好意思，買一碗嘢坐十幾分鐘，我又行出門口等佢地啦，但啲糖水鋪啲員工真的好好，佢地見我等咗咁耐，又叫我入去坐吓，仲話我做乜咁早買，可以遲啲才買，佢地仲話，如果下次買想要多啲薑水，佢地可以用個大碗俾我，嘻嘻！謝謝你們咁好人！坐係到時，佢地仲俾咗半碗我飲呢！佢地仲話食壽司前飲碗薑水會好啲喎！他們對我呢個顧客都唔錯，哈哈！最後架車來了，他們同我講byebye呢！一次幾特別的經歷！有得坐，有得飲！我會叫呢個做”糖水奇遇記”！

P.S. 胃痛？唔知真的是太肚餓還是個人放鬆咗呢？因為呢兩個星期我真的拉得很緊，現在放鬆了，唔知有沒有關係呢？