我的兩個寶貝

嫲嫲，她有時好可愛，有時好惡，有時好．．．，她應該70有多了，確實年齡真的唔知，我仲記得以前讀書時，她住在我家幾個月，照顧我地，每日負責煮飯俾我地食，那時不能好好孝順她，因為我知那時她只疼愛細佬，明明細佬做錯嘢，我教訓他，她都會幫著他呢！那時我會駁嘴，可能仲講咗啲難聽的說話，對唔住呀！那時我不是有心的，雖然知道妳偏心，但應該理解，老人家都喜歡男仔！可能我有啲唔服氣！所以每次你一幫細佬（明明是他錯），我都唔會理會妳！我會同細佬吵架！你每次都叫我讓他，那時我會問自己為什麼呢？最記得有一次，妳晚上在哭，想起叔叔，妳同我講，一世人得一個細佬，要好好照顧他呢！（我有做到，我地現在都相親相愛呢！）我明白妳當時的感受！我知道的，我明白的，我理解的！因為叔叔的樣子，叔叔做過的事，我都有印象，唔知點解，印象都幾深刻，可能我都好愛我的叔叔，就好像你愛叔叔，爸爸愛叔叔那樣．．．永遠不能忘記．．．他的一齊！今日我都有同佢傾談呢！每年都見佢兩次，同佢傾兩次，希望佢好好保護榮仔同威仔！

婆婆，她真的好可愛，非常善忘，但還好她仲記得我地每一個人！自從公公走咗之後，婆婆開始變了，呢一兩年變得非常善忘，昨日叫她攞嘢俾人，她才剛下樓，就忘記要做乜了！見到這樣的婆婆，真的令人擔心，但好在有好多人會照顧她，舅母每日都會帶她去飲茶！每次回去，她見到我都問我，媽媽呢？妹妹呢？細佬呢？但隔咗唔夠五分鐘又問同樣的問題，每次都重覆問，我又重覆答！我一啲都唔覺得佢煩，因為我明白她呢？她真的關心我地，她很掛念我地，所以每次都問，我好喜歡她的！好喜歡好喜歡，記得公公同婆婆每次都會吵吵鬧鬧，那時有好多好多的笑聲！見到他們真的很開心，他們是一對活寶貝！可惜自從公公走咗，婆婆開始變了（可能她太掛住公公了），但她永遠都是我覺得可愛，善忘的婆婆！希望婆婆永遠都不要忘記我地！我唔介意每次都答佢相同的問題！

P.S.今次終於都去弄咗啲畢業相了，希望佢地整得靚啲啦，要明晚才可以攞，下次回去才可以睇了！