網誌分類：BB仔(成長篇3歲至3歲半) |
圖片
網誌日期：2009-11-06 18:50
10月23日(第三天)
於酒店食過早餐後, 出發去有珠山觀賞火口群及噴火灣景色.
一落Ropeway, 囝囝就向草地奔馳, 非常嚮往這大自然.
之後向展望台進發, 囝囝一路都唔俾人拖住行, 話老師話: "要自己行咖
", 媽咪當然唔放心, 一直都傍住, 直到最後階段, 梯級比較斜, 所以一定要拖住
.
上到展望台喇, 囝囝一路都無要人抱, 估唔到人仔小小可以如此有毅力, 沿路好多人都為佢打氣
!
===> 上到展望台, 影張相先
...
落展望台都唔畀拖
===> 扭住要買的有珠Ropeway玩具
落到山腳, 食杯雪糕先, 一向都無畀囝囝食雪糕, 一來佢氣管唔好, 二來佢怕凍, 可能軟雪糕無咁凍, 今次食少少都好滋味喎
!
之後, 囝囝好想抱熊仔, 所以進入了熊牧場, 比起登別嘅熊牧場, 呢個可以比較近距離觀賞棕熊, 囝囝顯得非常興奮
.
返回溫泉區食日式定食午餐, 呢間餐廳勝在有玩具可以畀囝囝一邊玩一邊食, 好似屋企咁
.
趁囝囝食飽午睡, 爹地媽咪可以輪流去泡個日間湯, 之後才於酒店食晚飯.
今晚發現囝囝原來唔怕辣, 因為酒店餐廳嘅紫菜係辣嘅, 囝囝都吃過不停, 只話: "飲水水就唔怕!" 
今晚終於可以正式欣賞煙花了, 於酒店前欣賞真係非常壯觀
.
Prima 2009-11-07 16:24