網誌分類：上學篇(Pre-nursery) |
圖片
網誌日期：2008-12-19 18:50
本來預計响11月3日正式開學, 因為私人理由, 改為10號.
10號一早起身, 就餵囝囝食粥, 唔知點解食食吓嘔, 以為食得太快, 於是照原定計劃, 換衫返學, 點知途中又嘔, 於是折返
. 連續幾日都有嘔, 所以請了2星期假等囝囝康復+休養吓.
終於响24日正式開學了
!
---> 因為換了季, 又未買校服, 所以著住便服先啦
.
頭2日, 媽媽可以陪上校車, 但早會後, 媽媽就要走
.
第一日( 11月24日 )早會時, 囝囝都要痴住媽咪, 但集會後當同學仔一齊上課室時, 囝囝又好乖咁跟住大隊
, 就連媽咪同佢講bye-bye都唔知
.
之後, 媽咪同婆婆飲完茶, 上返學校等放學…
放學喇, 同學仔排成2行搭住膀頭, 囝囝就排响第一個, 囝囝見到媽咪同婆婆, 就好開心
.
因為有家長接, 所以無得搭校車走, 於是搭的士去嫲嫲家食lunch同瞓晏覺, 因為囝囝習慣11點幾午睡, 所以响的士幾乎瞓著
.
第二日( 11月25日 ), 媽媽都有陪囝囝搭校車返學, 集完隊都好乖咁跟大隊搭lift上課室
. 今日媽媽無响學校接放學, 俾囝囝自己試吓搭校車, 媽媽就同爺爺响落車站等囝囝. 校車到喇, 媽媽好心急唔知囝囝會唔會唔慣, 但校車老師話囝囝好乖喎
!
第三日( 11月26日 ), 囝囝自己搭校車返學喇, 直到校車開出都無喊喎
!
後記:
第一日(11月24日): 囝囝都ok, 係有小朋友喊先喊埋一份.
第二日(11月25日): 囝囝都無特別, (因為小朋友初初唔熟識學校環境, 校長建議小朋友帶一件自己鍾意嘅玩具, 增加安全感) 係間中以為同學仔想攞佢帶嘅車仔, 發吓少爺脾氣.
第三日(11月26日): 原來上到學校有扭計, 不過老師知囝囝鍾意車, 氹吓佢課室有車仔玩就無事啦!
第四、五、六、七日(12月1-4日): 成個星期上校車時都有扭計叫住媽咪, 但媽咪好忍心, 將囝囝交俾跟校車嘅老師後即刻走.
