有冇咁啱啊!

媽咪覺得呢個世界真係好奇妙, 竟然比我地呢班 blog 友係呢個網絡世界度遇見, 相聚同埋傾訴心事, 仲要咁啱得咁橋........

1) Blog 友 Kelly 同 Weak 7 既結婚大日子, 亦都係我黎到呢個世界既大日子, 即係話我以後每一年生日, 就係佢兩個既愛的見證! 希望佢地兩個白頭到老, Weak 7 仔肥肥白白, 身體健康 ~~ 我重申一次我唔絕對介意姐弟戀!

2) Blog 友知悅 b 同我相差一日出世, 我地兩個新手媽媽成日係度互相交換湊 b 心得, 真係好鬼啱 key!

3) Blog 友彤彤 b 同我既行為表情簡真係一模一樣, 彤彤媽話第時要幫我地組隊 Twins 賺大 $$$! 但係我唔要做天真嬌啊, 彤彤 b ~~ 唯有辛苦你啦!

4) Blog 友 XXX (請自己對號入座!) 竟然同我住埋同一個屋苑, 有冇咁啱啊!

5) Blog 友 XXX (自己知自己事啦!) 唔覺唔覺撞入黎, 睇下睇下先知原來同我爹地係同事, 你地話係咪真係橋得咁交關!

真係好開心架呢, 可以係呢度認識到你地呢班 blog 友, 當然仲有好多啦 e.g. Ta 姐, 沙拉啊等等等等 (冇記名既請唔好唔開心, 我只係求其寫兩個咋!)  尤其係每一次 post 我 d 相上黎, 你地都話我肥左啊, 好得意啊, 媽咪就會好開心, 好自豪, 覺得放係我身上既時間同精神冇白費到!  

最後, 梗係要提下我大表姐啦, 因為佢, 我媽咪先會寫 blog 架嘛!

搞乜鬼好似完塲謝幕咁架!   睬!睬!睬! 媽咪話佢仲要寫架, 仲要係有排寫果只, 長寫長有啊!!!!! (白痴媽媽又一例證!)

同場加映 ~~ 每一次見到呢幕，媽咪都好感動，一定要影底佢留念！ 記得我啱啱係醫院返屋企既時候，爹地已經成日問媽咪啊女可唔可以同佢地一齊瞓！媽咪話梗係唔得啦，我咁細個，容乜易扎親我！　

爹地就好失望咁問幾時先可以，媽咪話起碼半歲先啦! 而家我大個咗，識得叫識得拎起張被，媽咪就比我同佢地一齊瞓喇，但都係只可以瞓晏覺，夜晚都一定要自己瞓！咁爹地就好開心咁，一有機會就同我一齊瞓晏覺 lu!

P.S. 爹地 ~~ 媽咪話唔好意思偷影咗你既懶瞓樣，但係你唔駛担心，你都係一樣咁靚仔，媽咪都係一樣咁愛你，hehe!