遊樂場篇.

上個星期日約家歡去公園玩,我哋多數去都係附近既公園,所以今次決定去尖沙咀好大果個遊樂場.我同亞牛去佐東頭村接家歡,係小巴果時打比我亞哥,叫佢幫個女著鞋同帶水係小巴站等,但我一見到家歡,佢係著住拖鞋囉!去咁遠都應該著番對鞋呀!

梗係要食完tea先去啦!出發前影番張相先....,亞牛....洗唔洗咁肉緊呀!!!

去到公園都身水身汗囉!行緊去公園既時候,個心就諗,早知唔去啦!真係熱到呢......

一去到公園,大家都揀佐玩鞦韆.其實亞牛係我幫佢推,睇幅相唔知以為佢真係識打鞦韆呀.

可能家歡已經大個女喇!玩完鞦韆自己去佐小食亭買吹波波玩.今次係亞牛第一次自己吹,但....淨係識吹哂啲口水出黎囉~不過...佢真係玩得好開心呀.

一開始玩就好多細路過黎玩,有條肥妹仔仲搞笑,成日都係我面前,但又未聽佢講過一句說話,但啲動作表情就好想叫我比佢吹下,咁我都有比佢吹,但就覺得好搞笑囉~好似做默劇咁,我諗肥妹仔大約三四歲啦.

仲有made in u.s.a呢個小肥哥,佢都好想我比佢吹下波,佢好有禮貌咖!所以我請佐兩粒糖過佢食....,肥哥仔仲有玩到成條頸都係老泥呀!

唔可以停下來既你,媽媽終於都等到你可以專注去玩一樣嘢喇.

真係好熱呀!熱到你好似洗完頭咁.

玩完就去咗麥噹噹,食完梗係搭有冷氣既熱狗送家歡返屋企啦!係巴士見到條紅隧,諗住無聊影下,點知....一睇相就見到有條曙光.唔係想帶我上天堂呀?