@XXX#

@XXX#

20090408

   今日學生不用上課，因此學校都關上門，老師要回校就要輸入密碼，才能開啟大門。但平時習慣大門已開，暢通無阻，哪裡會記得密碼是甚麼。最近一次換密碼，為防自己失魂忘記，所以用自己的方法記下了。偏偏今次換密碼，我沒有做這動作，結果今日出事了。

    去到校門醒起要密碼，真係企左係度。按往績，這時候應該有人見到我企係門口，就會按制等我可以開門入校，不過今日無。我打電話問同事，包包唔記得，叫我問K。終於問到，入到校門了。

    才走得一步，便想：千萬別讓我知道校務處係有人，但無人肯按制開門。要知這是很乞人憎的一件事。見著係「自己友」，你都由得佢係門口傻仔甘企下先，都唔係企下先呀，係無諗住要去開門，會唔會太過份？

    上得半層樓梯，見到「勍兄」係水池做緊野，一眾藍衫姨姨係旗杆下忙著。

去到一樓，首先發現銀姐係茶水間，然後係「整餅」放東西係校務處對出的櫃位。我跟著他入校務處時，見到「藍姐」坐係最近閉路電視的位置，令我「海壩梅姐」就坐係柱旁她的位置。

推想，當我係門口企緊時，這三人，至少有兩人，必定係校務處內。當時他們全都沒有事忙著，理應聽到我按門鐘。但係，無人有反應。最終係要我問K密碼是甚麼才可以入校。

我固然係學校入面一隻迷途小羔羊、卑下馬鈴薯，今次，那班工友終於不再賣帳，不予理會，由你在外「怒等」。