轉子的魅力... Mazda RX7 FD3S

轉子引擎已經面世近半世紀, 但現役既轉子車少之有少, 然而轉子既魅力一 d 都唔細, 表表者就係 RX7...

一般引擎都係往復式, 引擎動力係 Linear motion, 但車軚動力係 angular motion, 中間既動力方向轉換會有所損耗, 導致效能下降, 轉子引擎結構跟往復式完全唔同, 引擎燃燒時產生動力已經係 angular, 效能比起一般引擎為高... 想知多d , 上 goggle search rotary engine, 多到你睇唔哂 ~~

既然咁勁, 點解咁少車用? 可能因為成本問題... 現時只有 Mazda 有專利生產轉子引擎, 萬事得俾左好多錢落去開發呢種引擎, 仲攪到蝕大本要 Ford 注資.... 但近代只有RX 跑車系, 即 RX7/RX8 採用雙轉子, 1300cc 容量, 2600cc 咁既耗油量(同牌費)......連 MX5 都只係一般引擎, 唔駛講街車如 M3/M6 呢 (我架 323 當然都係普通貨)... 出貨少, 自然成本貴, 當然都俾人高貴既感覺既..

講番模型, 上回講到再戰 Fujimi..... 唔好提, 最後放棄左..... 盒 kit 係砌得埋既, 但睇極都唔似樣... 自已睇圖, 左邊係雙星 (92年, 街賣六十幾七十蚊), 右邊係 fujimi (02年, 街賣百二三)......雙星線條出好多, 尤其兩邊沙板, 後轆沙板, 車身都 low 得比較低, 而 RX7 最特別既車頂波浪紋, 雙星做得非常好, 而 fujimi 就做到好似車頂壓到變左型咁, 一 d 都睇唔出係波浪紋, 唯一可取既就係 fujimi 尾翼, 雙星的尾翼好流, 好細隻, 岩哂, 就換左佢...

真係要開名多謝雄師父, 佢送左佢盒無水紙既雙星 FD3S俾我, 岩哂, 我有 metal transfer logo....

因為紅色膠太透明, 全身噴上白色, 主色為郡氏 metallic blue

車尾跟番最尾期既 FD3S, 用沙紙省走本身既 RX7 字樣, 貼上  fujimi 既水紙, 值得一提係車尾既黑透明燈位, 我貼上銀膠紙,非常好的效果!!!

貼上街買的 metal transfer, 計正只有最尾期既 FD3S 先係用上新 logo, 以前既都係舊 logo, 一係日本內消既轉子 logo... 唔理啦, 最憎舊 logo, 貼番個新野扮尾期車,  其實都唔多覺

就快成廿年車款, 今時今日睇一 d 都唔老土,  仲可以話型.... 你睇番廿年前既 323... 嘩, 好肉酸呀!!

車頂波浪紋, 係 RX7 最特別既地方

車轆也用上metal transfer... 前剎車鉗噴上紅色

上次砌 R34 提及用了 GX100 光油效果一般, 今次真係要同佢平返講番聲 sorry, 原來好好用, 架 S2000 同呢盒 RX7 都係用上 GX100.... Perfect!!! 要決係最後幾層光油一定要非常稀, 咁就好拎同好厚光油感!!