今次大鑊

早兩日 Bingo 去萬寧買咗成千蚊健康食品番嚟, 仲附上一堆印花貼紙,

蝦毛一睇 ... 原來又係買野送印花, 儲齊一定數量就可以用優惠價換煮食鍋;

其實蝦先真係無咩耐性咁去儲, 而且呢間舖頭嘅價錢仲一向貴過出面嘅超市

不過好衰唔衰, 蝦毛睇睇下, 心血來潮又好想換隻大鑊番嚟喎,

計下手頭上嘅印花, 都仲差 7 個先可以用優惠價 $199 先換得到,

但你叫我專登去買多幾百蚊野我又唔甘心喎, 咁最後就唯有出動到人情牌喇 !!

下晝接到 Bingo 嘅電話, 話今晚可以同蝦毛出去換煮食鍋喇 !!

真係估唔到 Bingo 會同佢公司班師奶咁好交情嘅, 唔駛兩日就幫我完成任務,

叻 !!