發達彩票

上次蝦毛買六合彩到底係幾時呢 ?? ... 好耐, 耐到真係唔記得囉 !!

好少入投注站嘅蝦毛, 通常都係一班人柴嘩嘩先會去, 再抱個希望買番張六合彩電腦飛,

可惜 ... 可惜 ...

呢日, Bingo 放底咗張野叫蝦毛今晚幫佢對一對, 對咩呀 ??

蝦毛一望, 六合彩飛 ?? 乜而家 d 六合彩飛會變成咁嘅, 軟賴賴, 輕飄飄嘅 !!

不過見到馬會都終於邁向環保, 又的確係可喜可賀,

再望一望呢張 "紙", 真係想像唔到佢真係可以帶比人希望同富裕 ...

唔知呢個希望或者應該係奇蹟幾時先會降臨嚮蝦毛嘅身上呢 !!