用腦 vs 唔用腦

之前果份工，日日都要諗好多野，因為有時d case 好複雜，唔係一望就即刻可以 complete 果種。成日同d friend 講笑，話好想做d 唔洗用腦的工作!!  時，真的好想，因為用得腦多真係好攰!

呢個星期，我終於得嘗所願，做左d 真係唔係好點洗用腦，手板眼見功夫，白痴都識做的 task! 做呢d 野，基本上唔洗用好多時間做，但我 super 就叫我唔好做咁快，因為怕冇野俾我做! 咁我唯有特登做慢d 啦~~

我一路坐，一路諗，如果逗呢份人工做呢d 野，又真係幾筍喎!! 但我又諗，如果要我永世做呢d 野，我又覺得自己好冇用，好似真係一個白痴咁....! 但有時做得太多要用腦既野，又真係好辛苦喎!

曾經有個人同我講過，佢覺得自己好快死，因為佢每日都用好多腦去處理佢的工作! 如果用得多腦 = 快死，咁用得少腦 = 慢死，咁我都應該用多d 腦，因為我唔想咁長命!

不過，自古以來，搵得最多錢的，就係用得最多腦既人! 我想搵多d 錢，但唔想用太多腦，唔知有冇呢d 工作呢???