泊泊手記之開心浪接浪

泊泊：雖然我呢個生意失敗look好醜怪，但係其實我（哋）好開心！點解？

第一浪： 

話說爸爸飛左去東京五日，叫我哋呢個星期陪下MJ（爹爹按：好似係你哋玩MJ咋喎！），我哋望穿秋水咁等見爸爸，上個星期六終於見返爸爸，好開心呀！

你哋睇下細路妹見到爸爸時幾興奮...

第二浪： 

爸爸話成個星期只可以係webcam見到我哋，都好掛住我哋，所以一返黎就親自下廚煮左餐西蘭花薯仔牛肉粒俾我哋食，好開心，又有好嘢食！

第三浪： 

食完飯，爸爸仲帶哂我哋去狗公園玩，仲一玩就玩左兩個半鐘；但係玩玩下落大雨，攪到我哋濕哂，但係爸爸同爹爹話星期日都會去玩，就豁出去，由得我哋玩，所以我就有左呢個生意失敗look喇！不過玩得好開心呀！