文公子手記：你部電腦係男人定女人

電腦如果有性別，咁佢應該係男人定女人？

文公子梗係希望部電腦係男啦，如果唔係，我寫寫下文公子手記，佢一定會阻止我再挖苦女人架。

以下係一個在互聯網上聽返來的故事：

你部電腦係男定女？

一位法文老師正在課堂上教法文。

法文老師話：「法文同英文唔同，名詞係有分男女性別的，房屋係女性la maison，而鉛筆就係男性le crayon。」

有個學生問：「咁…電腦係男人定女人？」

老師無即刻回答，只係將班同學分為兩組，一邊男同學，一邊女同學，然後叫佢地自己決定電腦係男性定女性，而且要講出四個理由。

男子組認為電腦一定係女人，因為：

1.      除左創造佢出來個位，無人知佢地內部思考的邏輯；

2.      佢地天生同其他電腦溝通時用的語言，係旁人理解唔到的；

3.      就算係最微小的過失，佢地都會長期存放在記憶中，以便得閒抽取返出來回顧下；以及

4.      當你決定擁有佢，你會發現你需要用幾乎一半人工，去幫佢買配件

至於女子組就得出唔同的結論，佢地認為電腦應該係男人，理由係：

1.      無論要電腦做咩，你第一步都係要撻著佢；

2.      電腦有好多資料儲住，不過唔識得為自己著想同思考；

3.      電腦本應幫你解決問題，但係往往佢地本身就係問題所在；

4.      當你決定擁有佢，你會發現只要你肯等多陣，就自然有一個更加好的型號面世！

結果女子組贏左…故事亦都完結。

不過，文公子認為，就係因為女人咁諗，佢地至會磋跎歲月。