發覺自己好老土

  今日係我咁大個人第一次寫blog.講出黎真係好笑,blog呢樣野聽左好耐,但自己就好少睇.不過唔知點解?今日好想寫下近期所發生既事.

  自問讀書唔多,又放低左支筆十幾年,咩墨水都乾曬,有種執筆忘字既感覺.以前讀書,作文寫一千幾百寫都唔係問題,而家.....我諗如果而家要我再寫一篇文出黎,我起碼要坐係度呆半日.

  不過開講有話,爛船都有三斤釘(我都唔記得係三分釘?定三根釘?真係要問呀貽興王)好似而家咁寫一篇短文都頂得住.

  作文多大話---我好認同呢句話,好多時作文都係天馬行空,靠想像出來.東拼西湊出黎.唔知係唔係咁,我細個果時成日講大話,詐病,做錯事搵借口.到而家大個,呢個行為不但冇改,仲好似變左習慣咁,好容易就講出黎,有必要或冇,都好自然會講出黎.例如有fd約出街,我會好順口應承左,但之後唔枇想去,於是就求期搵個借口---唔舒服,冇錢,有時衰到擺屋企人上枱----約左屋企食飯唔記得左等等.但都有難開口時候,就係對住你另半.......之不過日子愈耐呢個情況也隨之而改變......