箍牙

YEAH~

講左咁多耐，終於的起心肝去箍牙囉~

醫生話正面睇，唔多覺，但照左X-RAY先知有130度向前傾，唔好聽D講，即係哨牙。

其實牙齒美觀同牙齒健康都係一世既，所以都決定辛苦D，痛D都箍啦~

上星期已經剥左2隻，除左打麻醉針既時有點痛之除，其餘過程都唔痛，牙醫手勢好，2日後已經可以如常進食了~

今日再剥多2隻，同埋裝鏍絲，我D牙齒都幾大粒架喎~剥牙過程唔痛，但今次俾粒鏍絲(左邊)整到我好痛，係扯住痛到上頭殼頂，維持2個小時，我好驚~即刻打俾醫生再去檢查，真係好彩牙醫係屋企附近，但檢查既時候又唔痛啦。

而家2邊完全冇野了，不過暫時要食粥啦。

唔怪得話越後生D做會好D，因為身陳代謝好，就可以快點復完。

BTW，雖然未上箍，但我感覺到自己講野時候有點怪~