TheZtyle X GARNIER水潤凝萃密集保濕精華試用

首先要感謝TheZtyle 同 GARNIER俾既試用機會
今次既試用活動同平時既有D唔同
活動中有兩盒既精華交到我手中

點解兩盒呢?因為今次試用者可以同朋友一齊試用
而我邀請既朋友呢 就係我男朋友同佢媽咪喇 (前排男友叫我介紹面霜俾佢媽咪用)

先睇吓product 質地
我:   係好水既gel狀  易推開 而且好快吸收 淡淡既香味 淺綠色gel 狀
男友:  幾好用呀 唔會lup
男友媽咪: 好用 唔lup 冇出油出得咁勁 好香

男友, 男友媽咪同我揀護膚品既首要條件一樣 最緊要唔lup!!!!!!
GARNIER水潤凝萃密集保濕精華o係呢方面就真係做得好好喇

至於出油程況
我:   冬天塊面成日都甩皮 用左之後有改善~好保濕
男友:   會出少左  但仍然會有出油 (佢本身係超油面)
男友媽咪:  平時中午時段左右就會出油 用左之後到晚上先出

 男友媽咪非常滿意個效果呀!~ 而且價錢又唔貴 $119 @ Mannings

不過男友媽咪同我都發現….呢aunt 精華用得好快呀
唔知會唔會係因為佢唔lup 所以我地查好多都唔會覺得太rich 呢
其實我本生好中意同aloe gel嫁
但係真係要夜晚先用得囉 因為用完面會有層野反反地光咁..
人地睇落去會似出油… 所以日頭唔用得~~
而家岩晒喇 日頭可以用GARNIER  當日霜用
我都有興買埋GARNIER枝toner用吓~
唔知有冇人用過可以share吓GARNIER 既toner / 洗面product好唔好用呢?

上個week 要去tst 影返張相 遲d可能會要黎貼落去雜誌既廣告度
影相之前 工作人員仲問會唔會試用埋個收眼袋既"精華碌碌"~~
等我用多幾次再share返個product 有冇效先~~~~~

會否回購?

我:會 因為便宜又保濕

男友媽咪: 會 因為功效比之前用既好

男友: 50/50  因為對佢黎講唔夠控油